Verlinke zu Filmen und Serien ganz einfach mit dem Kürzel ST1, ST2 usw. und TOS, TNG, DSN, VOY, ENT, DSC - z.B. so: %DSC%

Qo'noS QonoS - Ausgabe #17, Mai 2001

Siehe auch Hauptartikel MOVED TO... Qo'noS QonoS.

Der folgende Text wurde von der Homepage des KLI übernommen und hier zur Archivierung und späteren Bezugnahme angezeigt. Diese Wiki besitzt keinerlei Rechte an dem Inhalt.

jIja''egh

qonta' charghwI' 'utlh
(geschrieben von William Martin)

QonoSvamvaD qonlaH nuvpu' puS neH. reH maqon 'e' ra'taH latlhpu'. rut qech qonmeH poH je DIghaj. rut DIHutlh. roD Hutlh wa' 'ach ghaj latlh vaj taH Qo'noS QonoS. pIjHa' Hutlh Hoch. QatlhchoH ghu'. pIch luSam vIngwI'pu'. jatlh «taHnIS Qo'noS QonoS!» wa'logh neH Qo'noS QonoS wIlIngbe': jar Hut tera' DIS cha'SaD. chaq paw qaSqa'meH poH 'ach ngoDvam wIghovQo'.

jIQoch. jIDoch vIneHbe' 'ach qaStaHvIS jar naQ, qonmeH poH qech joq Hutlhchugh Hoch vaj qaStaHvIS wa' jar ngablaH Qo'noS QonoS 'e' vIHarbej. qay'be'. QonoS nIv qaq law', reH qaStaHbogh QonoS qaq puS.

ghItlhvam QIv DalaDlaHchugh Qochba' vay'. chaH vIQuchmoHmeH ghItlhvam vIqon. muQuchmoHbe' ghItlhvam. mu'IQmoH. vItna' wIchIDqangbe'ba'. manajlI' neH. jarvam ramchu'wI' neH wIja'laH. potlh wIHutlh, 'ej SaHbe'law' tlhIngan Hol yejHaD. Hoch jar Qo'noS QonoS lIngnISlu'.

wejpuH. qech potlh HutlhDI' tlhInganna' jatlhbe'. Qo'noS QonoS 'oHbe'ba' QonoSvam. rut tera' joS neH 'oHba'. per wIchoH 'e' vIchup: tera' joS.

Elvis wIDelnIS'a'? puvbogh Dochmey lungu'be'lu'bogh DIDelnIS'a'? ghIjbogh novpu' DIDelnIS'a'? noywI'pu' DItlha'nIS'a'? cha' nachDu' ghajbogh ghu wIDelnIS'a'? nuq DapIH? rut matam qatlh 'e' wIlajlaHbe'? rut Dal wo'. qay'be'. maSIQ neH. mavIngQo'.

wanI' SochDIch / Serie 7

qonta' DloraH
(geschrieben von Roger Cheesbro)

qen noychoH 'ov nuvna' 'e' 'angbogh lutmey'e'. taHwI', taHwI' cha', loDnI''a', DaS raQ, latlh je. Huch bajmeH Quj jeSwI'pu'. nem puS chay' tlhetlh lutvam? wanI' SochDIch lut'e'. teHbe' lutvam 'ach chaq loQ qIt. qID 'e' Hech qonwI'. tlhaQ. taQbej 'ej motlhbe'bej. taHwI', DaS raQ je rur wanI' SochDIch. 'ov nuv net bej; vang nuv net bej; rut bejwI'vaD jatlh nuv, ghu' Del qoj QIj. 'ach pIm je lutmeyvam. taHwI''e' DaS raQ'e' je, Huchmo' 'ov nuv; SochDIch'e', yInmeH 'ov nuv.

javlogh Qujvam Qujlu'ta' vaj QujvamvaD SochDIch ponglu'. QujvaD jav 'ovwI' tu'lu'. Qujqa' Quj QapwI' vaj QujvamvaD Quj Quj javDIch QapwI'. vagh latlh luwIvlu'. 'ovwI'pu'vaD HIchmey lunoblu'. vay' lo' 'ovwI' net chaw'. latlh nuH SuqlaH. jeS neHbe' 'op. jeS neH 'op. jeSnIS Hoch. HoHchuq 'e' nID 'ovwI'. ratlhlaH wa' neH. Quj veb Quj QapwI'. Quj loD be' qanwI' QupwI' je. HoHlaH 'ovwI' neH. chot 'e' chaw'Qo' nugh. HoHchugh 'ovbe'wI' bIghHa' ghoS. nuH qang 'ovbe'wI' net chaw'Qo'. veng naQDaq qaS Quj. wamchuq 'ovwI'. ben law' parmaqqay chaH cha' 'ovwI''e'. QatlhchoH ghu'. Qujvo' tlheD wa' 'e' nID 'ach lujon 'avwI'. QujnISqu' Hoch 'ovwI'. latlh qaD 'op. toj 'op. So''egh 'op. rInDI' lut, tlhaQqu' qaSbogh wej lup 'ej pIHbe'lu'. rInDI' lut, wej lupvetlh vIparHa'qu'.

lut naQ vIjatlh vIneHbe'. loQ tlhaQ. maw'qu'. loQ jotHa'moH. vItIv.

chollI' Mars

qonta' ghunchu'wI'
(geschrieben von Alan Anderson)

loghDaq tera' jIl 'oH yuQ Doq'e'. 'oHvaD Mars ponglu'. tugh Sumqu'.

Hoch wa'maH vagh tera' DIS, ramjep chalmajDaq nargh yay'moHbogh SuchwI'. qIjchoHtaHvIS ram, Sal Hov'a'vam Doq. logh Hurgh tlhopDaq wewqu'. 'oH wov law' Sirius wov puS 'ej Jupiter tInqu' qaD...

tera' DIS wa' chorgh Hut vagh mu'meyvam qon Percival Lowell. Mars Del.

tera' DIS cha' pagh pagh wa' qaSqa' wanI'. rIntaHvIS jar vagh, taghtaHvIS jar jav, nom chol "Mars" tera' je. qaStaHvIS wa' lup, yaH vaghSaD qelI'qam chuq. jar vagh jaj cha'maH wa', wejmaH loS 'uy' qelI'qam neH 'oH chuq'e'. wa'maH cha' ben yuQ Sum law' DaHjaj yuQ Sum puS, 'ach qaStaHvIS DISmeyvetlh not Sumqu'pu'.

Mars Dalegh DaneHchugh, DaH pup poH. mInDu' neH lo'nISlu'. taghDI' jar jav, wej Doch neH wov law' Mars wov puS: yuQ chIS Venus, tera' maS, tera' Hov'a' Sol je.

DaH po chalDaq wewqu'taH Mars. 'eqchugh tera' 'ev chan bID DabwI'pu', vemtaHvIS, chaH tIng chan jenDaq yuQ Doq luleghlaH. DungDaq jenqu' Mars 'e' luleghlaH tera' tIng chan bID bejwI'pu'. ngeD SammeH mIw: runpI' Hovghom retlhDaq 'oHtaH. wovqu' 'ej ngaDchu'; choHbe' wovtaHghach. baS Doq rurchu'.

tlhetlhtaHvIS Hoghmey veb ghurtaH wovtaHghach. jar jav jaj wa'maH wej Sol Mars je jojna' SIch tera'. Hoch cha'maH jav jarmey qaS wanI'vam. Hov lubavtaHvIS tera' Mars je, ghomey pupHa' ghoSmo', jaj cha'maH wa' Sumchu' cha' yuQmey.

ngugh po Hovqoq mojHa'pu' Mars wovqu'. qaStaHvIS ram naQ leghlu'. choS SalchoH; ramjep chalDaq jenqu'. HopwI' bejmeH jan lo'lu'chugh, tInqu' yuQ Doq. ghorDaq 'engmey chuch je leghlu'.

qaStaHvIS jarmey puS chal Sep le'Daq lenglaw' Mars. lurgh rapDaq qIb botlh tu'lu'. Hurghchugh bejwI' chal, nargh qIb'e'. nIm 'eng rur. runpI' Hovghom SIj 'ej qangwI'Daq wovchoH. pa' qIb luSpet'a' tu'lu'. luSpetvam 'ughqu' bav qIb naQ.

Sumlaw' Mars qIb botlh je, 'ach Hopqu'bej. gho'Do lo'chugh Duj, Mars SIchmeH tupmey puS poQ. qIb botlh SIchmeH wejnetlh DIS poQ! 'ach wanI' DaleghmeH, Duj Dalo'nISbe'. challIjDaq loStaH Mars. Doqqu'. wovqu'. yIlegh!

Siehe auch

Weblinks

Kategorie: KLI    Letzte Bearbeitung: 24 Aug 2015, durch MarcZankl    Erstellt: 24 Aug 2015 durch MarcZankl




Schriftarten
Es gibt mehrere Computerschriftarten im Netz um die klingonische Schrift ...
Wikibooks
Wikibooks ist eine offene Plattform, die verschiedene Bücher bereitstellt ...
Aspekt
Der Aspekt bestimmt die Vollständigkeit bzw. Abgeschlossenheit einer Handlung ...

Wochentag:
Heute ist ghItlhjaj


starred Zufälliger Artikel


  • Search

Andere Sprachen:

flag_en.png English
flag_de.png Deutsch
flag_nl.png Create New Topic
flag_fr.png Create New Topic

Das Wiki auf Facebook:

 
Klingonisch-Wiki - Lernst du noch oder sprichst du schon?

All text is available under the terms of a Creative Commons License.
Star Trek™, Klingon™ and related names are trademarks of CBS Corporation and Paramount Pictures, and are used under "fair use" guidelines.