Qo'noS QonoS - Ausgabe #23, November 2001

Siehe auch Hauptartikel Qo'noS QonoS.

Der folgende Text wurde von der Homepage des KLI übernommen und hier zur Archivierung und späteren Bezugnahme angezeigt. Diese Wiki besitzt keinerlei Rechte an dem Inhalt.

vuDwIj: bochtaH maS qIHHa'lu'

qonta' 'angghal
(geschrieben von Lawrence M. Schoen)

Ill Met By Moonlight qonta' Sarah A. Hoyt (2001). Ace Books: New York, NY 10014. ISBN: 0-441-00860-7

jav wen qonwI'pu'vaD qep'a'Daq Sarah Hoyt vIqIH 'ej paqDaj chu' Del. wIlyam SeQpIr ghaH Sub'e', 'ach wej qonwI' moj. lutvamDaq Qupqu' loD. qen Sawta' 'ej ghube' ghaj. DuSaQ HopDaq ghojmoH 'ej Hoch jaj He tIq yItnIS. wa' ram juHDaq paw 'ach SaHbe' be'nalDaj puqDaj je.

nuqDaq chaH'e'?

yIqaw. SeQpIr Qup lut 'oH lutvam'e'.

wa'DIch, Hon'egh. chaq batlh ghajbe' 'ej pujwI' lolaHbe' ghaH. ghaytan nayHa' be'nalDaj 'ej loDna' nej. qaSbe' wanI'meyvam. qaS Dochmey Huj.

qorDu'Daj quchta' qa'pu' ta'. qen Heghpu' ta' be'nal 'ej ghube' ghajmo' ghojmoq poQ. ghojmoqvelth mojlaH SeQpIr be'nal. ta' be'nal chu' mojlaH.

nap ghu'. qorDu' toDnIS SeQpIr.

'a, yIloS. ta' ngeb ghaH ta''e'. ta'na' ghaH loDnI'Daj'e'. Hujmo' loDnIDaj, che' ta'qoq. 'e' qap ta'qoq. rut loD 'IH ghaH loDnI'Daj 'ej rut be' 'IH moj. taQqu'.

'a yIloS. «qab qa'pu' ta' ngeb» jIjatlhchugh, bo'DaghHom vIlo'. mIgh. mIghqu'. loDnI' ngormeH SoSchaj vavchaj je chotta'. batlh ghajbe'. bortaS SuqnIS loDnI 'ej ta' moj. 'ach qa'pu' HoS Hoch ghaj ta'qoq 'ej pagh ghaj. QaHmeH SeQpIr muvmoH. loD rurtaHvIS SeQpIr jup moj, 'ej be' rurtaHvIS SeQpIr parmaqay moj.

SeQpIr be'nal tlhorghHey lubotlaH'a'? be'nalDaj puqDaj je lutoDlaH'a'? ta'qoq mIgh lujeylaH'a'?

chaq. paq yIlaD 'ej Hoch Daghoj.

vItIvqu' 'ej paqvamvaD wej betleHmey vInob.

rIn!

Siehe auch

Weblinks

Kategorie: KLI    Letzte Bearbeitung: 08 Apr 2016, durch MarcZankl    Erstellt: 08 Apr 2016 durch MarcZankl


 
Das Klingonisch-Wiki ist ein Projekt des Deutschen Klingonisch-Instituts. Alle inhalte werden zu edukativen Zwecken dargestellt Zwecks Förderung der klingonischen Sprache und dienen zur Unterstützung in Kombination mt den bekannten offiziellen Werken zum Thema. Die Begriffe Star Trek™ und Klingon™ sind Eigentum von CBS Studios Inc. und Paramount Pictures.