Appearances of Klingon: on television - in movies - in the news - in commercials - in politics - in literature - Translations

The Gospel According to St. John

The Gospel According to John is one of the four canonical gospels from the Bible. The other three are Gospel of Matthew, Gospel of Mark, and Gospel of Luke. They are being translated into Klingon as part of the Religious Text Translation Project, coordinated by the KLI.

Most of this text is currently being translated by Kyle Dillon.

John 3:16 was translated by Heather Myers for the John 3:16 Shirt.

Translation

This project is not completed yet.

'ay' wa'

1 bI'reSDaq ghaHtaH mu''e' 'ej Qun'a' tlhejpu' mu' 'ej Qun'a' ghaH mu''e'.
2 bI'reSDaq Qun'a' tlhejpu'.
3 ghaHmo' chenpu' Hoch 'ej ghaH Hutlhchugh vay' chenpu'be'.
4 ghaHDaq 'oHtaH yIn'e' 'ej ghotpu' wovmoHwI' 'oH yIn'e'.
5 'ej HurghtaHghachDaq boch wovmoHwI' 'ej yajbe' HurghtaHghach.
6 Qun'a'vo' ngeHlu'pu'bogh ghot'e' tu'lu'. yo'aneS 'oH pongDaj'e'.
7 ghaHmo' voqmeH Hoch ghoS 'ej wovmoHwI' maq.
8 wovmoHwI' ghaHbe' 'ach wovmoHwI' maqmeH ghoS.
9 qo' 'ellI' wovna'moHwI' HochvaD wovmoHbogh.
10 qo'Daq ghaH 'ej ghaHmo' chenpu' qo' 'ach Sovpu'be' qo'.
11 chuDDaj ghoSpu' 'ej Hevpu'be' chuDDaj.
12 'ach Hevpu' 'op. HochvamvaD Qun'a' puqpu' mojmeH DIb nob.
13 'Iwvo' pagh neHmo' 'oynot pagh neHmo' loD boghbe' puqpu' 'ach Qun'a'vo' bogh.
14 'oynot moj mu' 'ej maH joj Dab. ngay'Daj wIleghpu'. vavvo' puqloD neH ngay' rur. lubuy'moH pung vItje.
15 maqtaHvIS yo'aneS jach: ghaH ghotvam'e' vIjatlhpu': vebwI'wI' HoS law' jIH Hos puS munungpu'mo'.
16 buy'Dajvo' pung law' wIHevpu' Hoch.
17 moySeSvo' noblu'pu'mo' chut. yeSuS 'IHrIStoSvo' ghoSpu' pung vItje.
18 not Qun'a' leghlu'pu'. 'angta' vav retlhDaq boghpu'bogh neH Qun'a''e'.
19 yo'aneS vep 'oH Dochvam'e'. yeruSalemvo' ghaHvaD maqleghpu' lewI' puqloDpu' je ngeHpu'DI' yuDay'anganpu' ghel: SoH 'Iv?
20 DIS 'ej tembe': 'IHrIStoS jiHbe'.
21 'ej ghel: vaj nuq? 'elI'ya SoH? jatlh: jIbe'. nemSovwI' SoH? jang: ghobe'.
22 ghIq ghaH jatlh: SoH 'Iv? ngeHwI'pu'majvaD jang wInobnIS. chay' bIngu''egh?
23 jatlh: DebDaq jachwI' ghogh jIH'e': joH'a' He yIwanmoH. Dochvam jatlh nemSovwI' yeSay'a.
24 parISay'oSpu'vo' ngeHlu'pu'.
25 ghel: qatlh bISay'moH 'IHrIStoS 'elI'ya nemSovwI' ghap SoHbe' net teHchugh?
26 jang yo'aneS: bIQDaq jISay'moHDI', 'ach tlhIH jojDaq boSovbe'bogh Qam ghot'e'.
27 vebwI'wI' waq tlhegh vIQeyHa'moHmeH jIqotlhHa'.
28 betanyaDaq yorDa'neS bIQtIQ Dop HopDaq qaStaH Dochmeyvam. pa' Say'moHtaH yo'aneS.
29 jaj veb ghoStaHvIS yeSuS legh. jatlh: pelegh Qun'a' mInHorHom, qo' yem nge'bogh!
30 ghaH ghotvam'e' vIjatlhpu'DI': vebwI'wI' HoS law' jIH Hos puS munungmo'.
31 vISovpu'be' 'ach ngoQvammo' jIghoS 'ej bIQDaq jISay'moH, 'ISra'elvaD 'angmoHlu'meH.
32 maq yo'aneS: chalvo' ghIr dove rurbogh qa''a' 'e' vIleghpu' 'ej ghaH DungDaq ratlh.
33 vISovpu'be' 'ach jatlh bIQDaq jISay'moHmeH ngeHwI'wI': vay' DungDaq ghIr 'ej ratlh qa''a' 'e' Daleghchugh, qa' quvDaq Say'moH ghaH.
34 Qun'a' puqloD ghaH ghotvam'e' vIleghpu' 'ej vImaqpu'.
35 jaj veb cha' vIlle'pu' tlhejvIS yo'aneS Qam.
36 yItvIS yeSuS legh 'ej jatlh: pelegh Qun'a' mInHorHom!
37 Dochvam jatlh 'e' Qoy cha' vIlle'pu' 'ej yeSuS tlha'.
38 tlhe' yeSuS 'ej tlha' chaH 'e' leghDI' jatlh: nuq bonej? 'ej jatlh: rabbI' (ghojmoHwI' mughlu'bogh) nuqDaq bIratlh?
39 jatlh: peghoS 'ej pelegh. ghIq ghoS 'ej DaqDaj legh 'ej qaStaHvIS jajvetlh DaqDajDaq ratlh cholmo' rep wa'maHDIch.
40 cha'Daq wa' ghaH SI'mon pe'tlhoS loDnI' 'antlhe'aS'e'. jatlh yo'aneS 'e' Qoy 'ej yeSuS tlha'.
41 wa'DIch SI'mon loDnI'Daj Sam 'ej jatlh: meSI'aH ('IHrIStoS mughlu'bogh) wISampu'.
42 yeSuSvaD qem. legh yeSuS 'ej jatlh: yo'aneS puqloD SI'mon SoH. DaHjajvo' qepaS 'oH ponglIj'e' (pe'tlhoS mughlu'bogh).
43 jaj veb ghalIla'ya jaHmeH wuq yeSuS. pI'lIpoS Sam 'ej jatlh: HItlha'.
44 'antlhe'aS pe'tlhoSje veng betlhSayDavo' ghaHtaH pI'lIpoS'e'.
45 natlhana'el Sam pI'lIpoS 'ej jatlh: moySeS chutDaq nemSovwI'pu'Daqje ghItlhlu'pu'bogh ghot'e' wISampu', jeSuS natlharenoS, yoSep puqloD.
46 jatlh natlhana'el: natlharetvo' ghoSlaH vay' QaQ'a'? jatlh pI'lIpoS: Ha', yIlegh!
47 ghoS natlhana'el 'e' legh yeSuS 'ej jatlh: pelegh, 'ISra'elnganna', ghaHDaq tojtaHghach tu'lu'be'.
48 jatlh natlhana'el: chay' choSov? jang yeSuS: DurI'pu'pa' pI'lIpoS, fig Sor bIngDaq bIQamvIS, qaleghpu'.
49 jang natlhana'el: rabbI', Qun'a' puqloD SoH, 'ISra'el ta' SoH!
50 jang yeSuS: fig Sor bIngDaq qaleghpu' 'e' qajatlhpu'mo', bIvoq? Dochmey wej Daleghbogh Dun law' Dochmeyvam Dun puS.
51 jatlh: vITna' vITna' Sajatlh: poS chal 'e' Dalegh nuv'a' DungDaq SaltaHvIS 'ej ghIrtaHvIS Qun'a' QumwI'pu'.

'ay' wej

16 qo' muSHa'qu'mo' Qun'a'
boghpu'bogh neH puqloDDaj nob,
Qaw'be'lu'meH voqbogh Hoch.
reH yIn.

External Links

This page contains a religious text. Please remember that this wiki is neutral as to any religion of the world.
If you think that anything is missing, you can add it, but please respect the others' freedom.
Books of the Bible
Old Testament:
The Book of RuthEstherJobPsalmsJonah
Epistle to the Hebrews - Gospel of Thomas

New Testament:
Gospel of MatthewMarkLukeJohn
John 3.16 Shirt

The Church of Jesus Christ of Latter-day Saints
Choose The Right - Book of Mormon - Latter-day Saint Hymnal

Other pages
Religious Text Translation Project - Tao Te Ching

Category: Appearance    Latest edit: 23 Oct 2019, by KlingonTeacher    Created: 04 Jun 2019 by WikiAdmin
History: r10 < r9 < r8 < r7 - View wiki text
 
The Klingon Language Wiki is a private fan project to promote the Klingon language. See Copyright notice for details.