Qo'noS QonoS - Issue 20, August 2001

See Qo'noS QonoS for more information.

The following text has been imported from the KLI's homepage and is displayed here for archiving and future reference. No copyright infringement intended.

pagh wImuch

qonta' Seqram
(written by Mark Shoulson)

wen, ghItlh charghwI' «qaStaHvIS jar naQ, qonmeH poH qech joq Hutlhchugh Hoch vaj qaStaHvIS wa' jar ngablaH Qo'noS QonoS 'e' vIHarbej.» chaq nujangmoHmeH neH bep charghwI'. chaq nuQubchoHmoH neH ghaH. chaq lugh. 'a jIQoch jIH. ngabbe'nIS Qo'noS QonoS. qo' naQDaq, wa' tlhIngan Hol lo'bogh QonoS neH tu'lu': Qo'noS QonoS, 'ej meqvetlhmo' potlh 'ej le'. ngab 'e' wIchaw'chugh, vaj Sup Dun wIlo'Ha' 'ej 'eb pov wInarghmoH.

ghItlh vIHutlhchugh, nuq 'oS? pagh De' Daj tu'lu''a'? Dachbej'a' qechmey chu'? ja' charghwI', «qech potlh HutlhDI' tlhInganna' jatlhbe'.» 'ach qech DIHutlhbej'a'? ghobe': ghItlh'e' DIHutlh. qech lutu'lu'bej 'e' vIHarchu'. 'ej rut Qo'noS QonoS lIjlu', qoj yapbe' poH, qoj lumlu' (jIlumchu' jIH!).

vaj DaH jIghItlh jIH. tlhoS qaSDI' jar jaj Qav, 'ej ghItlh vIHutlhchu', 'ach ngabchu' QonoS 'e' vIchaw'Qo'. pagh vImuchlaH, vaj pagh vImuch, 'a meq vIQIj. chaq maghoj ('ej jIghoj je jIH) 'ej jomaj wIlo'choHchu', 'ej taHmeH QonoSmaj ghItlh DIqonchoH.

See also

External Links

Category: KLI    Latest edit: 04 Apr 2017, by MarcZankl    Created: 06 Apr 2015 by KlingonTeacher
 
The Klingon Language Wiki is a private fan project to promote the Klingon language. See Copyright notice for details.