Qo'noS QonoS - Issue #32, May 2004

See MOVED TO... Qo'noS QonoS for more information.

The following text has been imported from the KLI's homepage and is displayed here for archiving and future reference. No copyright infringement intended.

qatlh qo'maj Qaw'lu'be'?

qonta' ter'eS
(written by Terrence Donnelly)

tera' DIS 1995, yabDajDaq jabbI'ID nov HevchoH Nancy Lieder, Wisconsin (USA) DabwI'. qechmey lo'taHvIS Qumlaw' Zeta Reticuli Dabbogh Dolpu''e'. De' potlh lulI'. tugh Hovtay'maj yot yuQ chu'. yuQvetlhvaD X yuQ (Planet X) lupong. Do'Ha' tera' yuQ juS X yuQ, 'ej cholDI', Sumqu'. Sumqu'DI', yuQmaj Qaw'. DIngba' tera', 'ach DIng 'e' mev chollI'bogh X yuQ tlham. ghIq yoychoH tera' peQ chem. Qomqu' tera', 'ej HochHom puH SoDchu' bIQ'a'. Heghbej tera'ngan law'qu', 'ej tayqeqmaj Qaw'lu'. 'ach De' QaQ lulI' je zetanganpu'. tera' lupaw 'ej 'op Human Qan. qaSpu'DI' yuQ lot, taHwI'pu'vaD taghmeH bov Dun luboQ. potlhqu'ba' De'vetlh jay'! zeta jabbI'ID luSovlu'meH, Web ghom cher Nancy Lieder. Zetatalk 'oH pongDaj'e'. nom zeta jabbI'ID tu' ghot law'. WebDaq nargh zetangan, X yuQ je qelbogh mu'mey law'. jabbI'ID lajQo' 'op, 'ach Har latlh, 'ej ghIj De'vam. cholDI' X yuQ, toD'eghlaH'a'? Do' qeSqang zetangan, Duychaj Nancy je. WebDaqchajDaq nargh ghu' Sar qeltaHbogh qeS law'qu''e'. SachchoH ghomchaj. QonoS, paqmey je qon Nancy, 'ej qep'a' loH.

lot jaj lu'ang zetangan. jaj wa'maH vagh jar vagh DIS 2003 tera'Daq qaS X yuQ chuq rav; vaj jajvetlh qaS yuQmaj QIH. loghDaq DaH X yuQ lubejlaH tera' Hovtej, 'ach peghmeH ngoDvam QuS tejpu', qum je. vIt Nancy neH. chollI'bogh X yuQ He cha'meH, Zetatalk WebDaqDaq nav cher. Digital camera lo'taHvIS, X yuQ luHotlh ghot law', 'ej cha'meH navDaq chovnatlh lI'.

'ach DaH qaS DIS 2004; qaSpu' DIS naQ. qatlh tera' Qaw'lu'be'? nuqDaq 'oH X yuQ'e'? muj'a' Nancy? toj'a' zetanganpu'? nargh tlhochbogh ngoDmey. Qoch HovQeD, Nancy De' je. DuHbe' X yuQ He, Do je Delta'bogh. tugh paw X yuQ 'e' lulay' zetangan. pawbe'ba'. qatlh? X yuQ luDeltaHvIS, mujchugh chaH, chay' latlh De'chaj lajlaH vay'? jeghbe' Nancy. tera' ghang X yuQ 'e' loSlaw'taH. ratlh ghomDaj; ratlh Zetatalk Daq (Quv: http://www.zetatalk.com), X yuQ cha'meH nav je. paw X yuQ 'e' lay'taH Nancy, 'ach DaH pawmeH jaj ngu'qangbe'. QIj zetanganpu'; jatlh. «QIH jaj'e' retojbej, 'ach meq pov wIghaj. tera' Qaw'bogh jajna' wI'angchugh, vaj rewbe' tojmeH 'ej SeHmeH De'vetlh lulo'bej qumraj. tejpu'ra', qummeyraj je bovoqQo'; Nancy neH bovoq. QIH jaj wIngu'DI', manep, 'ach DaH mavIt.»

Huj Human toj'eghmeH laH 'ej Dun. vay' Harchugh ghot, 'utbe' ngoDmey. qechDaj tlhochchugh ngoDmey wanI'mey joq, ngoDmeyvetlh wanI'meyvetlh ghap lajQo'. SuvwI'na' tojlu'be'meH, chay' vangnIS? wa' vIttlhegh boqaw: yIvoq, 'ach yI'ol.

mu'mey So'

qonta' pe'an
(written by pe'an)

pIqaD qIbvam qoDDaq So' wa'vatlh Duj mu'. mu'vam tISam 'ej tIwegh. lurgh law'Daq HIvlaH jagh 'e' yIqaw, vaj lurgh pIm leng mu'mey. pIqaD DalaDlaHbe'? DIvI' Hol qIb yIlo'. tlhoS nIb 'oH. mu' tISamtaHvIS, pIqaD yIlaD:

Image from the internet archive

DIvI' Hol DamaSchugh, chovnatlhvam yIlo':

Image from the internet archive

  • baHjan
  • bav
  • begh
  • bI'rel
  • botjan
  • cha
  • cha'qujput
  • chetvI'
  • chIj
  • choghvat
  • choQ
  • chuyDaH
  • Dav
  • Degh
  • Der
  • De'wI'
  • DoD
  • Duj
  • DuS
  • gho'Do
  • ghuS
  • HablI'
  • HanDogh
  • HIchDal
  • HIvDuj
  • HoD quS
  • Hong
  • Hong boq chuyDaH
  • Hongghor
  • HoSchoHwI'
  • jer
  • jIm
  • jol
  • jolpat
  • jolpa'
  • jolvoy'
  • jonta'
  • jorneb
  • laQ
  • lol
  • lolSeHcha
  • lupDujHom
  • may'Duj
  • may'morgh
  • meH
  • nejwI'
  • nISwI'DaH
  • noch
  • ngaDmoHwI'
  • nguSDI'
  • pat
  • peng
  • pIvchem
  • pIvghor
  • pIvlob
  • pu'DaH
  • qawHaq
  • qIt'Inga'
  • qIvo'rIt
  • qugh
  • qughDo
  • qughDuj
  • QoD
  • Qol
  • Qulpa'
  • QumwI'
  • QuQ
  • QutlhwI'
  • rIH
  • rIHwI'
  • ron
  • ropyaH
  • Saq
  • Saqjan
  • Som
  • SopwI'pa'
  • SoSbor
  • SuyDuj
  • taQbang
  • toDDuj
  • tongDuj
  • toQDuj
  • tor
  • tlharghDuj
  • veQDuj
  • vergh
  • veSDuj
  • vID'Ir
  • vIj
  • vo'
  • vutpa'
  • wIy
  • yaH
  • yIb
  • yIntagh
  • yo'
  • 'eDSeHcha
  • 'ejDo'
  • 'or
  • 'orwI'

bI'olmeH:

Image from the internet archive

See also

External Links

Category: KLI    Latest edit: 25 Oct 2016, by MarcZankl    Created: 25 Oct 2016 by MarcZankl



DavidBarron
David Barron is known for creating the Klingon Postal Course and administered ...
WelshGovernment
Welsh ministers were asked for information about UFO sightings and they ...
FluentSpeakers
Most estimates say that there are about 20 30 fluent speakers of Klingon ...

Day of the week:
Today is DaSjaj


starred Random Article


  • Search

Other languages:

flag_en.png English
flag_de.png Deutsch
flag_nl.png Create New Topic
flag_fr.png Create New Topic

Visit us on Facebook:

 
The Klingon Wiki - Teaching Klingon to the galaxy

All text is available under the terms of a Creative Commons License.
Star Trek™, Klingon™ and related names are trademarks of CBS Corporation and Paramount Pictures, and are used under "fair use" guidelines.